Press "Enter" to skip to content

4 NATURAL TEETH WHITENING OPTIONS THAT WORK


Top post on IndiBlogger, the biggest community of Indian Bloggers

Doston teeth whitening ek multi-billion dollar industry hai. Lekin, unfortunately, bahut teeth whitening treatments me harsh chemicals include hote hain. In chemicals ke karan long time tak teeth me sensitive feelings hoti rahti hai. Main ye manti hun ki jitna hum nature ke kareeb rahnege healthy aur safe rahenge.

 TEETH WHITENING

Isliye main mostly natural remedies use karti hun. Chemicals easily hamare mouth me absorb ho jate hain. Aur baad me yahi teeth ke liye sensitive feel hote hain. Aur main sirf wo hi options use karti hun jo mouth ke liye safe hon. Offcourse ye sab things normal dental care ka replacement nahi hai, lekin maine apne dentist se inhe use karne se pahle advise li. Maine ye dekha ki ye methods mere normal brushing aur flossing(cleaning between teeth) routine ko badhate hain. 

1. Charcoal-

Apko ye dekhkar jarur surprise hoga ki main ye kya bol rahi hun. Ye old days remedy hai. Maine ise khud use kiya aur mujhe iske best results mile. Ek baar to apko lagega ki aap apne teeth me permanently stain kar rahe hain. Lekin jab aap mouth rinse karenge as usual brush kar lenge tab aap apne white teeth dekhenge.

Charcoal waise 2 types hain. Ek normal aur dusra activated. Lekin teeth ke liye activated jyada effective hai. Ye to aap jante hi hain ki jab teeth me koi food particles ke pieces rah jate hain to ye beemar ho jate hain. Charcoal apke daant se ye waste material clean kar unhe fresh aur white kar dete hain. 

Is it safe?

Dekhiye waise to charcoal teeth clean kar deta hai. Lekin iska use aapko bahut carefully karna chahiye. Jyada strongly scrub se apke teeth enamel ko damage kar sakta hai. Agr aapke teeth me open wounds ya cut ya fir any problem hai to ise use na karen. Main ye bhi kahungi ki koi bhi remedy use karne se [ahle aap apne dentist se jarur consult karen. 

Use kaise kare:

  • aap medical store se activated charcoal len
  • waise ye tablet form me milta hai
  • aap iski 2-3 tablets ko powder bana kar bottle me rakh len
  • paste from banane ke liye isme enough water add karen
  • ab is paste ko halke haath se daant me rub karen
  • charcoal daanton me 3 minute aise hi laga rahne den
  • apne daant par full coat karen
  • ab brushing se pahle apne mouth ko several times water se rinse karen
  • ye dekh len ki charcoal fully remove ho chuka hai
  • apke daath bilkul white ho jayenge.

2. Oil pulling-

Oil pulling ek traditional aur natural teeth whitening way hai. Ye apki oral health ko boost karta hai. Ye cavity gum health me help karta hai aur oil mouth me rakhne se ye mouth bacteria se fight kar unhe healthy banata hai. 

Oil pulling kya hai:

Oil pulling(gundusha) means koi oil mouth me kuch der tak rakhna . Aur teeth ke mamle me seasome, sunflower, olive  ya coconut oil 20 minutes ke liye apne mouth me swishing(खींचना). Aisa karne se apki oral health improves hogi. Each day aap apne mouth me oil rakhen. Isse apke teeth healthy rahnge.

Is it safe?

  • Waise to iska koi side effect nahi hota
  • Kyonki vegetable oils jo hum khate hain wo edible oils hain 
  • Jab hum mouth me ise khinchte hain to ye koi problem create nahi karta 
  • lekin agr aapko ye koi benefits dene wala nahi lage to aap iska alternate mouthwash use karen ye koi harm nahi karenge.

Oil pulling benefits:

  • Hamare mouth se bacteria every day hamari body me jate hai.
  • Aur ye bacteria enter hokar hamari body parts ko infected kar dete hain.
  • Jab hum oil pulling karte hain to mouth me enter hue in bacteria ko ye oil remove kar deta hai.
  • Aur hum beemari se cure ho jate hain.
  • isse oral bacteria, plaque/gingivitis me benefit hota hai.

How to oil pulling:

  • ye bahut easy method hai
  • a person 2 tsp vegetable oil apne mouth me swish kare
  • 20 minute ise mouth me rhne den
  • iske baad ise spit(thook) den
  • ab achi tarah rinse kar len
  • oil pulling early morning best hai
  • kuch bhi khane ya peene se pahale ye try karen
  • agr starting me 20 minutes na kar paaye to aap 5-10 minutes bhi kar sakte hain
  • kyonki jab aap oil mouth me lete hain to wo 2 tsp oil apki saliva se mix hokar double aur thick ho jata hai
  • agr kisi ke severe infection hai ya koi dental problem hai to aap ise har meal ke baad bhi kar sakte hai.

3. Baking Soda-

Yellow teeth se nijat paane ke liye baking soda bahut effective hai. Daanton ke upar yellow layer aur plaque ko nikal kar clean karta hai. Ye daanton ko white aur shiny banata hai.

Is it safe? 

Baking soda jyada use karne se teeth enamel layer damage kar sakta hai.

How to use baking soda: 

  • 1/4 tsp baking soda me thoda sa toothpaste mila len 
  • Teeth ko achi tarah brush karen apne daant hot water se clean karen
  • ise aap 2 din me 1 baar kar sakte hain
  • 1 cup water me 1/1.5 tsp aur 1/2 tsp hydrogen peroxide milakar mouthwash karen 
  • baking soda me lemon juice, white vinegar aur hydrogen peroxide milakar paste banakar brush karen

4. Neem-

Neem me antiseptic aur astringent properties hoti hai. Ye teeth ko healthy aur white banane me help karte hain. Neem ko regular use karne se mouth me bad smell theek ho jati hai. Neem se datun karna teeth aur digestion dono ke liye beneficial hai.

Benefits of neem:

  • Daanton me bacteria nahi hote
  • apke mouth me ulcer, plaque se nijat milti hai
  • ye daant ke liye antibacterial, anti fungal aur anti viral ka kaam karta hai
  • daanto ka yellow color white ho jata hai

Is it safe?

Agr koi pregnanat lady hai to use ise nahi karna chahiye, kyonki iska tase bitter hota hai is karan unhe vomit ho sakti hai. Kids ko ise nahi karne dena chahiye. 

Neem kaise use karen:

  • neem ki stem hard hoti hai
  • isliye ise seedha hi daant par na ragden
  • Jab bhi aap neem ki datun use karen ise pahal chaba kar brush type kar len.
  • Uske baad isse daanton ko slowly brush karen.
  • Toothpaste ki jagah ise use karen aur fark dekhen.

 

♥ Doston, agr apko article helpful lage to share jarur kijiyega. Mujhe comments dekar batayen.

 

Be First to Comment

Leave a Reply

Your email address will not be published. Required fields are marked *

%d bloggers like this: