Sardi Me Kaise Rakhen Bachon ka khayal/Kids Care In Winters In Hindi

sardi me ladle ki care Karne Ke Tareeke
sardi me ladle ki care Karne Ke Tareeke

Sardi-khansi ka asr Aur Bache-

 

Gulabi sardi kise nahi pasand aati. Par is kadake ki thand se bachav bhi bahut jaruri hai. Aur khaskar bujurgon aur bchon ki sehat ka bachav karna. Sardi ke dinon me in bujurgon aur bachon(kids) ki kaise hifajat kren ye bahut jaruri hai.

Bachapan sabse payara hota hai. Isi karan bache bhi pyare hote han.

 

sardi me bache ki dekhbhaal

 

 

To aaiye jane kaise rakhen hum apne bachon ka sardi se khayal-

 

Sardi khansi se behaal hai bacha to, Apnayen Ye Upay- 

 

Sardi me Thodi si bhi laprwahi hamare bachon ko khani aur jukam se jakad sakti hai. Iska sbse bada karan hota hai unka immune system kamjor hona. Iska matlab ye ki rogo se ladne ki takat bachon me puri tarh se viksit nahi hoti. Is karan bache rog ki chapet me jaldi hi aa jate han.

Aise me unko in beemariyon se bachane ke liye hame unka khas dhyan rakhna padega.

 

Bache ko sardi-jukam hone par-

 

Newborn baby se 2 saal tak ke bache ko bado ke mukabale jyada dhyan rakhna chahiye. Jaise

⇒Unko badon ke mukabale 1 kapda jayada pahnaayen. Jaise agar aap 2 kapde pahan rahen han to unko 3 pahnaayen.

⇒Bachon ke sar, pair aur ears ko hamesha dhak kar rakhen. Kyonki bachon ko sardi inhi se hi jyada lagti hai.

⇒Bachon ko inner wear me cotton ke cloth daalen. Uske upar warmer fir shirt/frock ya t-shirt pahnaayen. Uske upar sweater ya jersi pahnaayen.

⇒Chote bachon ko 2 mote kapdon ki bjay 3,4 patle kapde unko jyada warm rakhenge.

⇒Jab warmer pahnayen to uske upar payjama pahnaayen. Agar jayada sardi nahi hai to payjame ke neeche warmer na pahnaayen.

⇒Agar jyada thand hai to maflar, cap aur hud wala jacket bhi daal sakte han.

⇒Bachon ko quilted rajai jaise kapde jyada garam rakh sakte han.

⇒Bachon ko cotton ki jagah woolen socks pahnaayen. Jo bache ghutne ke bal chalte han to unhe mittons ya daastane pahnayen.

 

apne ladle ko sardi se bachayen

 

Sardi se bachane ke liye heater ka use karen-

Jab jayada thand ho to aap room me heater bhi lga sakte han. Ye jaruri hai ki heater bache se duri banakar rakhen. Heater ko pure din na chalayen. Aap 2-3 ghante chala sakte han.

1 baat aur dhyan rakhen ki bahar jane se kuch waqt pahale heater band kar den kyonki isse inner aur outer temperature balance ho jayega. Nahi to bacha isse aur beemar ho sakta hai.

Winter season me bachon ko jayada dhayn ki jarurat hoti hai.

 

Bache ko sulane se pahale rakhen ye-

♠ Jab bache ko bister par sulayen usse pahale bister me hot water bottle rakh len. Isse bister garm ho jayega aur bacha sardi se bacha rahega. Bache ko sulane se pahale bottle ko hata len.

♠Agar apka bacha 9-10 month ka hai. Bacha feed karta hai to raat me 10-10.30 se pahale akhiri feed kara den. Raate me neend me feed ki adat na daalen. Isse bache daant kharab hone ka tension rahata hai.

♠Bache ke bister par patli rajai bichayen. Isse uska bister garm rahega.

♠Aap apne bache ko agr wo 6 month tak ka hai to rai wala pillow lagayen. Iske baad ki age me 4-5 inch mota pillow lga sakte han. Lekin dhyan rahe ki pillow soft hona jaruri hai.

Ek baat ka dhayan rakhen ki kuch log ye soch lete han ki bache raat me rajai nahi odhte. Is karan bache ko jyada matra me warm kapde pahana dete han. Lekin aisa karne se bache ko saans lene me problem aa sakti hai. 

Bache ko nhalane ka tareeka-

−Agar apka bacha 1 month ka hai to use daily bath jaruri nahi hai. Aap 2-3 din ke gap se bache ko bath karayen. Lekin aap warm water me towel bhigo kar sponge kar sakte han.

−Agar apka bacha 1 month se bada hai to aap use rozana bath karayen. Agar use sardi lgi ho to 1 din ke gap se bath karayen. Rojana bath se apka bacha beemarion se dur rahega.

−Hamesha bachon ko band room me hi nahalayen. Khuli jgh aur window kholkar kabhi bath na karayen. Aisa karne se bacha beemar ho sakta hai.

−Sabse jaruri baat bache ko bathing se pahale malish jarur karen. Isse uski muscles solid banti han. Bacha achi neend leta hai. Bache ko beemari jaldi apni chapet me nahi leti.

Malish karne ke liye olive oil, almond oil ya bachon ka baby oil kuch bhi use kar sakte han. Oil ka kaam lubrication ka hota hai.

−Jab malish kren to uske 15 minute baad bath karayen. Malish karne ke baad turant bache ko kapde pahana den. Verna sardi lag sakti hai. 

−Bache ko malish ke 15 minute baad halke gungune pani se bath karayen. Is season me bache ko kabhi bhi tub me na choden. 

−Bathing karane ke baad bache ko turant towel se ponch kar lotion aadi lagakar kapde pahna den.

−Bache ko dhoop me vitamin D dene ke liye aap subh 11 bje se 4 bje ke beech kuch der dhoop me khelne de sakte han.

Bache ko khilayen seasonable fruit aur vegetable-

♥ saal bhar se chote umr ke bache ko maa ke dhoodh ke alawa agar jaruri ho to farmula milk den. Isse upar ki age wale bachon ko full cream wala milk pilayen.

 ♥ Bache ki ye age bache ke mind aur eyes ke vikas ke liye bahut khas hai. 

♥ Agar apka bacha 7-8 month ka hai to rozana use 1/2 badam, aur 1/2 kaju pees kar khilayen. Bache ko dry fruit kabhi bhi sabut na den. Verna uske gale me fans sakta hai. Dheere-dheere aap dry fruit ki matra badha sakte han.

♥ Agar bache ko dry fruit se allergy hai to use na khilayen.

♥ Aap bache ko 1 khajur aur 3-4 kishmish khila sakte han. Aap bache ko 3-4 drop honey bhi chata sakte han. Bache ko thoda sa kesar bhi de sakte han.

Seasonal fruit khilayen

♥Apne bachon ko seasonal fruit aur sabjiyan jarur khilayen. Kuch ka kahna hai ki bachon ko sardi me orange na khilaye, dahi yani curd na khilayen. Lekin kya aap jante han ki vitamin C sardi me sbse jaruri hai. 

♥Ek baat ka dhyan rakhen ki sabji aur fruit ya dahi kabhi bhi fridge me naa rakha ho. Yani agar thanda hoga to bacha beemar ho jayega.

♥Bache ko orange, cheeku, apple aur anar adi khila sakte han. 

♥Aap bache ko khichdi aur daliya bhi khila sakte han.

♥Bacha agar 1 year ka hai to use 1/2 tsp. chyawanprash de sakte han.

♥Ayurved me kha gaya hai ki bachon ko sardi me dahi, banana aur rice nahi khilana chahiye. 

 

Desh ki pragati ke han ye adhaar,

Inse hi honge hamare sapne sakar.

Isliye bachon ka hamesha dhyan rakhen. Kyonki ye hi hamare desh ka future han.

Ek baat jarur dhyan rakhen ki jin bachon ko bottle se dhudh pila rahe han unki bottle ko har use ke baad boil jarur karen. Aisa nahi karne se isme germs lag sakte han. Aur bache bahut najuk hote han. Unki rogon se ladne ki shakti viksit nahi hui hoti. Is karan wo jaldi beemar ho sakte han.

 

 

 

 

 

 

 

 

 

 

About sabhindime 126 Articles

kalaa shree
Founder of http://www.sabhindime.com

2 Comments

  1. mera beta 2 month ka hai . o bahuth kam sota hai aur haat pair bahut khinchta hai aur bahuth awaz se kiltha. is ka reason batao please

    • Namaskar,
      Aap ye dhyan den ki apke bete ko maa se pura milk mil raha hai ya nahi. Kahin use sardi to nahi lagi. Kyonki baby tabhi nahi sote jab ya to wo beemar hon ya bhooke hon. Agr maa se poshan pura mil raha hai aur fir bhi baby nahi so raha to use turant apne najdiki dr. ko checkup kareyen. Chote babies ka bahut khayal rakhna hota hai.

Leave a Reply

Your email address will not be published.


*